趁小朋友瞓咗又睇下手機回味吓同佢哋既生活點滴❤️見到早前我哋一家人去咗香港百樂酒店staycation 影既海量靚相，因為佢哋既「家庭樂」住宿計劃HKD$1,098元起就可以兩大一小入住到豪華親子房，仲包埋翌日早餐、自助午餐、小廚神蛋糕班、尋寶小遊戲......等我用文字記錄埋咁美好嘅「偽旅行」回憶先💕
❤️Day 1 （🇯🇵日本)
為咗營造出旅行嘅感覺，我哋一家都着咗親子裝再拖埋個細喼出發🧳兩兄弟一上到車勁興奮問我哋目的地去邊，其實係勁近嘅尖沙咀百樂酒店囉🤣房間除咗基本設備之外仲有消毒噴霧可以俾我哋盡情使用，兩個小朋友第一時間衝入洗手間洗手先，見到我哋提前要求酒店準備嘅小朋友牙刷、樓梯仔同埋小童廁所板，令🐵們覺得好有歸屬感😝由於我哋仲加咗$150 upgrade首選客房，除咗有兩張巨型嘅雙人床、仲有埋特色兒童帳篷、幼兒滑梯、汽球，真係喺房度都夠佢兩隻🐵玩足大半日！
之後參加埋星期六限定既「小廚神蛋糕工作坊」🧑🏻🍳百樂酒店仲送咗套好可愛嘅小廚神服飾俾兩兄弟一齊着，酒店大廚教大家去創作以🇯🇵日本富士山🗻作為靈感既蛋糕🎂完成之後仲有獎狀頒發，好sweet 呀💞
去得「偽日本」，晚餐決定去食我最愛既豚王日本拉麵🍜再去埋激安殿堂買零食同埋面膜😂真係充滿旅行既回憶呀！哥哥仔仲問我有冇得浸溫泉♨️喂！泡泡浴都收住貨先啦！😆仔仔們揀既藍色美人魚🧜♀️造型泡泡球超靚、超香仲要閃令令！媽媽鐘意到唔捨得上返水😝玩完泡泡浴再Bed time Story 一陣就瞓覺💤
Day 2 ( 美國🇺🇸泰國🇹🇭）
叮噹！🔔瞓醒一打開門，熱情既酒店職員為我哋送上豐富既美式早餐！Wooo~就發下夢當自己喺美國啦🇺🇸🤣成件事真係好Chill呀🤩小朋友果然鬼主意多多，話要喺佢哋個小天地帳篷食，要野餐feel喎！🤣
食完早餐睇吓電視📺再玩多陣，出發去酒店內既🥗Park café 食自助午餐，今次既主題係「泰·太滋」味，多款經典嘅泰式美食例如串燒、泰式自選湯河、冬陰功明爐魚、泰式柚子大蝦沙律等等...... 好似瞬間又去咗泰國咁🇹🇭仲有冰鎮海鮮同埋日式壽司🍣刺身、中式點心、老火湯，當然唔少得多款精美嘅甜品啦！朱古力火鍋、燕窩葡撻、特濃3.6牛乳布丁，仲有一出場就一掃而空嘅榴槤雪糕，大人細路都食飽飽😋
（upgrade優惠加$300 就可以可多加1位六至十一歲小童不加床名額，包括房內早餐及自助午餐）
因為延遲check-out到下午3點，所以仲可以施施然返酒店房收拾行李兼完成埋個打卡尋寶遊戲拎埋份神秘禮物🎁喔！原來係百樂酒店啤啤熊呀！多謝🐻為我哋嘅「偽旅行」之旅畫上咗一個完美嘅句號。
❤️更多百樂酒店「家庭樂」詳情資訊：
https://www.parkhotelgroup.com/zh/hongkong/promotions/family-fun-package
Park Hotel Hong Kong
#香港百樂酒店 #百樂酒店 #staycation #家庭樂 #hongkonghotel #familytime #親子blogger #hkblogger #尖沙咀酒店
Search